"Dumating"

"Dumating"

by:

Virgilio F. De leon Jr.MD

I

Ang sabi ko ay maghihintay

At sabi mo ay darating

Kaya ako ngayon ay andito pa din nakatayo

Pero hindi ko alam kung darating or gaano ka kalayo

II

Tumitingin sa orasan , malapit na ang hating gabi

Pumipikit iniisip na lang ang iyong mga ngiti.

Di naiinip kahit nilalamok na

Inaantok pero tuloy tuloy sa pagaabang

III

Napanbuntong hininga at ngayon alas tres na

Nilalamig magisa pero wala ka pa.

walang pasabi , walang text , walang sinabi

Di sinasagot ang sunod sunod na tawag.

IV

Kanina ka pa pala nandiyan. Yumayakap.

Umiiyak at humihingi ng tawad.

Sumisigaw sa tenga ko na di ko naririnig.

Nagsasabing mahal mo ako at pangakong laging tatabi.

V

Tumayo ako kung saan nasaan ka.

Nagalit at sa huling beses nagsabing di na ito mauulit.

Umiyak ka lang doon ng tahimik. Umaasang malalaman ko din.

Pero di ko na nalaman. Di ko na din inalam.

9:25am 07/09/2018 Little Tagaytay , Valenzuela City.