"Multo"

"Multo"

ni:

Virgilio F. De leon  Jr. MD

Multo niya ang multo mo

Lahat tayo minumulto

Alaala lang nga ba?

Nawawala sa likha ng diwa?

Kung itim o puti o anumang kulay

ang pumupuno sa mga araw

Dala ang bigat ng mga nagawa

Dala ang sugat ng di paggawa

Multo na nakakabit sa bawat kilos

Salita , pagpuna , paggunita.

Mga araw kung saan ikaw ,

ang salot na dumulot ng pinsala.

Kung anumang kulay ang sinuot mo

Mga salita at gawa pa din

Ang ihuhusga sa iyo.

Kung ano ka man sa mundong ito

Sa dulo ikaw rin ang kanyang multo.

08/27/2016