"Ang Naligaw"

"Ang Naligaw"

by:

Virgilio F. De leon Jr. MD

I

Umaalingaw-ngaw ang mga halakhak

sa silid na walang katapusan

at sa kaguluhang ito may isang kakatwa,

Isang tinig na lumuluha...

II

At sa malayo , pigurang may hawak ng nakakasilaw na liwanag

sa kalagitnaan ng karagatan ng napakalalim na mga bitag

Di mawari ang mukha ng may hawak ng sulo

nalulunod ng galaw ng di natatapos na gulo

III

At siya ay tumawag sa kung saan

Walang nakinig at nagpatuloy sa daan

Daan ng mga peligro

Daan ng mga diablo

Kung saan paulit ulit na naloko

Nadurog at Naisukang Isipin at Puso

IV

Nagsalisalisi ang mga landasin

Tuluyan nang naligaw sa tatahakin

Umikot at umikot hanggang bumalik sa simula 

Ikaw ang tinig na lumuluha...