"Sa Kalagitnaan"

"Sa Kalagitnaan"

ni:

Virgilio F. De leon Jr.MD

I

Dahan dahang babangon ang mga patay na damdamin

At magtatanong sa kadilimin kung bakit

Ito ba ang naiwang mana , naiwang salita

Na dadalhin sa paglipat sa ilaw sa kabila?

II

Ito ba ang sagot sa matagal na paghintay?

Mabibigo pa din ba sa huling pagninilay?

Sasabihin mo pa ba ang mga nais kong marinig?

Kapatawaran sa nakaraang di na maibabalik.

III

Yakapin mo ako kahit di mo sabihin

Dito lang ako at di na uulitin

Hahayaang maglaho ang lahat ng galit

hanggang sa pagibig ,pagibig na lang ang papalit

Optum. Bldg N. Quezon City. September 28 , 2019 6:26am