"Usbong"

"Usbong"

ni:

Virgilio F. De leon Jr.MD

I

Hinahabol ang hininga sa ilalim ng araw

Tumitingin sa mga bagay na di naman mahahabol

Nagdarasal sa kanya pero wala naman mga tugon

Nakikinig na lang sa hangin at ang kunyaring bulong

II

Di kinakaya ang init at ngayon ay pipikit

Isasauli ang sarili at di lang sa saglit

Panandalian lang dito ang sabi ng iba

Doon na , doon na sa ibayong yun ako pupunta

III

Di na aasa sa mga pangakong dinala ng hangin

Nahawakan lang saglit pero parang buhangin

Naglaho ang sabing aahon sa lahat ng dinaanan

At ngayon lugmok pa din sa pait ng nakaraan

IV

Tumigil ang taas baba ng dibdib dito sa init

nawalan ng buhay at unti unting lumamig

Nagpaalam sa mga di nakikitang tala

Niyakap ng mga taong nakita lang sa ala ala.

UHG QC. Central Ave. QC. March 22 2019. 6:26am