"Puntod"

"Puntod"

by:

Virgilio F. De leon Jr.MD

I

Kapag pumapatak ang ulan 

bumabalik ang mga away nating mabilis matapos

ang mga sinasabi nating masakit pero nauubos

mga bagay na kahit nauulit ay di nalilimot.

II

Di maisigaw ang galit sa kawalan

kung ang kawalan ay ayaw na ding makinig

at tinalikuran ng panahon ang mga sandali

na pilit ko sanang binabawi

III

At kada patak ng ulan

nilalamon ang bawat hibla ng nakaraan

dito sa puso kong tuyo kahit basang basa ang katawan

Ano pa ba ang dapat gawin?

IV

At sa pagluhod ko sa harap ng iyong puntod

Wala. Wala nang magagawa

Napunit na ang huling pahina ng libro.

Oras na para magsulat ng panibago.

9:43am 07/09/18 Little Tagaytay , Valenzuela City.