"Putol na Bahaghari"
by:
Virgilio F. De leon Jr. MD
At di na babalik
mga oras na ating sinayang
Di na mababawi
mga salitang may panghihinayang
Ang nasabi ng may galit
tuluyan nang nakasakit
At ang nasaktan
tuluyan nang nagalit
At di na babalik
mga pintong nagsara
Di na mababawi
ang nilimot na alaala
Ang nasabi ng pangnunutya
kahit sabing di sadya
Ang nasaktan
tuluyang nawala na
Nawala sa alaala
Nawala sa simula
No comments:
Post a Comment