"Ikaw"
Ni:
Virgilio F. De leon Jr.MD
I
Minsan nahihirapan sa pagbuo ng tula
Mga bagay na naalala kahit saglit lang
Ang init ng hangin pagkatapos ng isang halik
Ang lamig ng dibdib sa muli mong pagalis
II
Kadalasan dumadaloy ang mga salitang ayaw na
pero lumalapit naman kapag muling nayaya na
Iiiling ang ulo na parang walang pagpipilian
pero alam naman kung sino at sino ang dulo at simula
III
Ramdam ang mga daliring lubos na mapaglaro
hinahabol ang korte ng kamay niya at ako
Na minsang nang naging iisang pulso
Pero sadyang napaglalayo.
IV
Minsan lang nahihirapan ang sabi ko
Ang katotohanan di naman din naiibsan
Iiling na lang ang ulo sa pinagpiliang landas.
Na kinalimutan na naman ang mga salitang ikaw.
Optum , Quezon City. Pebrero 8 , 2022. 4:48am
