"Ang Blankong Papel"

"Ang Blankong Papel"

ni:

Virgilio F. De leon Jr. MD

I

Blankong papel na naman ako

nasusulatan ng kung ano ano

Bukas ang isipan sa sabi mo

nakikinig pa din sa mga suyo

II

Pero minsan nakakaramdam din

Nagagalit , naiiyak , nadidismaya

Di naman yata lahat sa tama

Minsan di lahat ay masaya

III

Pero pag kumakawala ay inaayos

Pilit na inuupo sa silya

Binubusalan ang bibig

Bubulungan ng mga mahiwagang salita

IV

Hanggang sa mawala ang agam agam

Mapawi ang mga takot

Isasantabi ang bulong ng isip

Magtatago sa sarili sa loob ng sarili.

V

Blankong papel na naman ako

Nahipan ng hangin na galing sa iyo

Dito pa din , dito at nakaupo

Andito at naghihintay pa din sa iyo

10/22/2017 - Shaw