"Sa Aking Mga Kamay"

"Sa aking mga Kamay"

by:

Virgilio F. De leon Jr. MD

Kapag lumuluha ang langit

ay lumuluha din ako

Di mapigilan ang mga alaala

Ang aking kadiliman lamang ang kasama

Dito sa tahimik ngunit naririnig

boses mong wala na ngayon

Napatitig sa mga baluktot kong kamay ngayon

Di mapigilang bumabalik sa araw na yun

Ang aking kamay na kumitil sa iyo

Una'y galit ang nakita sa mga mata mo...

Kaya mong gawin yan? Ako na mahal mo?

Pilit na tanong ng tingin mo...

Nang di tumigil at ako'y nagtuloy

Takot ang nakita sa iyong mukha

pagmamakaawa , pagmamakaawa

paghingi ng kaunting pangunawa

Sa aking mga braso

mga peklat ng paglaban mo

pagbaon ng kuko

bago ka tuluyang sumuko.

At nang pinikit ko

ang iyong mga magagandang mata

hinalikan sa labi 

ng huling beses pa

Nagpaalam sa dati kong centro

nagpunta sa kadiliman

naghanap ng katahimikan

naghahanap , naghahanap ng kanlungan

Kapag lumuluha ang langit

ay lumuluha din ako

Di mapigilan ang mga alaala

pagkat kadiliman lamang ang aking kasama

XXXXXXXXXXXXXXXXXXXXXXXXXXXX

Picture from Picshark.com